বন্দীত্ব

-

 






বন্দীত্ব

@#Begum Asma

এতিয়া মই  জেলত বন্দী

হাত ভৰিত লোৰ শিকলি

মোৰ প্ৰহৰী মাত্ৰ জেলৰ আন্ধাৰ

আন্ধাৰৰ হাতত কাইটীয়া চাবুক

চাবুকৰ কোবত দেহত অঙ্কিত

মোৰ পৃথিৱীৰ নিৰ্মমতাৰ প্ৰতিচ্ছবি ।


মোক সাক্ষাৎ কৰিবলৈ ইয়াত নাহিব

উশাহ -নিশাহ আৰু এখন অদৃশ্য যুদ্ধৰ বাহিৰে

জেলত আনৰ  প্ৰৱেশ নিষিদ্ধ

আনকি খাবলৈ খাদ্যও দিয়া নিষিদ্ধ

খাদ্য বুলি নিজৰ মাংস আৰু হাড়বোৰকে চবাই খাওঁ

তৃষ্ণাত চকুলোকে চেলেকি খাওঁ

চকুলো শুকাই গলে হৃদয়ৰ তেজ হুহি খাওঁ


দেহত বস্ত্ৰ বুলিবলৈ একোয়েই নাই

বিবস্ত্ৰত দেহেৰে অদৃশ্য যুদ্ধ যুজি ভাগৰি

শুই পঢ়ো কংক্ৰিটৰ মজিয়াখনত

নিজৰে মল মূত্ৰৰ গোন্ধত নাড়ীভূৰি ওলাই আহে

তথাপি দুচকু মুদি থাকোঁ।


চকুযুৰি জোপালেই  সৰু সৰু পোকবোৰ

মোৰ নাকে মুখে দি সোমাই গৈ

কলিজা কুটি কুটি খায়

প্ৰথমে  যন্ত্ৰণাত চটফটাইছিলোঁ, চিঞৰিছিলোঁ

এতিয়া যন্ত্ৰণাবোৰ অভ্যস্ত হৈ পৰিছে।


আপুনি সুধিব কি অপৰাধত জেলত বন্দী ?

এৰা ! অপৰাধেই অপৰাধ ,

কিমান অপৰাধৰ কথা কম?

অৰণ্যময়ী হোৱাৰ  অপৰাধ,

আচঁল ভৰাই তৰাবোৰ বুটলাৰ অপৰাধ


আপুনি নাভাবিব এয়াই মোৰ প্ৰথম জেল

ইয়াৰ আগতেও বহুবাৰ জেলত বন্দী আছিলোঁ

বহুবাৰ ফাঁচীও দিয়া হৈছিল

অন্যায়ৰ বিৰুদ্ধে প্ৰতিবাদ কৰাৰ অপৰাধত

ৰঙা নিচান  লৈ বিপ্লৱ কৰাৰ অপৰাধত

কেতিয়াবা নেলচনৰ দৰে

বৰ্ণবাদৰ পৰা স্বাধীনতা বিচৰাৰ অপৰাধ

মুঠতে মই এতিয়া কুখ্যাত অপৰাধী।


Comments

Post a Comment

Popular posts from this blog

সমাজত প্ৰচলিত বাল্য বিবাহ আৰু ইয়াৰ কুফল

-
Image
বিকশিত ৰাষ্ট্ৰ বা সুস্থ জাতি গঢ়ি তুলিবলৈ প্ৰয়োজন সুস্থ, শিক্ষিত নাগৰিক৷ সুস্থ আৰু শিক্ষিত নাগৰিকৰ কথা কলে আমাৰ মনলৈ আহে মাতৃৰ কথা, কাৰণ মাতৃয়েহে পাৰে শিশুক সুস্থ, শিক্ষিত আৰু বিকাশগামী নাগৰিক গঢ়ি তুলিবলৈ৷ গতিকে প্ৰতিগৰাকী মাতৃ শিক্ষিত হলেহে আমি বিকশিত ৰাষ্ট্ৰৰ আশা কৰিব পাৰোঁ৷ প্ৰখ্যাত দাৰ্শনিক নেপোলিয়নে কৈছিল ‘ এটা সুস্থ জাতি পাবলৈ প্ৰয়োজন এজন শিক্ষিত মাতৃ৷ এ. পি.জে. আব্দুল কালামে কৈছিল-‘ নাৰী শক্তিশালী হ’লে সুস্থ সমাজ এখন নিশ্চিত হয়৷’ কিন্তু আমাৰ ভাৰৰতত এতিয়াও প্ৰায়ভাগ নাৰীসকল শিক্ষাৰ পৰা বঞ্চিত, ইয়াৰ প্ৰধান কাৰণ হ’ল বাল্যবিবাহ৷  অনাগত প্ৰজন্ম সুস্থভাৱে বাঢ়ি অহা আৰু সুনাগৰিক হিচাপে গঢ়ি উঠাত বাল্যবিবাহ এক প্ৰাচীৰ হৈ আছে৷ বিবাহ বুলিলে সাধাৰণতে ভাৰতবৰ্ষৰ বিভিন্ন ঠাইত বিভিন্ন সমাজত এগৰাকী নাবালিকাক সাধাৰণতে ১৮ বছৰৰ তলৰ এজন প্ৰাপ্তবয়ষ্ক বা অ প্ৰাপ্তবয়ষ্ক পুৰুষলৈ বিয়া দিয়া হয়৷ বৰ্তমান ভাৰতৰ ভিতৰত আমাৰ অসমত বাল্যবিবাহৰ প্ৰচলন বেচি৷ অসমৰ ভিতৰত চাহ বাগান আৰু চ’ৰ চাপৰিত বাল্য বিবাহ বেচিকৈ হোৱা দেখা যায়৷ অসমত ২২৫১ খন চৰ আছে৷ তাতে প্ৰায় ৫০ লাখ মানুহৰ বসতি৷ এই মানুহখিনি দৰিদ্ৰতা আৰু শ
Read more

কল্যাণকামী ৰাষ্ট্ৰৰ নেতৃত্ব কেনে হোৱা উচিত ?

-
Image
সামাজিক মূল্যবোধৰ আধাৰত সামাজত তিনিধৰণৰ শ্ৰেণী বিভাজন আছে ৷ সেয়া হৈছে ধনী শ্ৰেণী, মধ্যবিত্ত শ্ৰেণী আৰু দৰিদ্ৰ শ্ৰেণী ৷ সেইদৰে সামাজিক নেতৃত্বৰ ক্ষেত্ৰতো তিনিধৰণৰ শ্ৰেণীৰ মানুহ আছে ৷ প্ৰথম শ্ৰেণীটো নেতৃত্বকাৰী , দ্বিতীয়টোয়ে অনুসৰণ কাৰী আৰু নিৰপেক্ষ ৷ প্ৰথম শ্ৰেণীটোয়ে নেতৃত্বপ্ৰদান কৰে , দ্বিতীয়টোয়ে অনুসৰণ কৰে আনটো অৰ্থাৎ তৃতীয়টো নেতৃত্বও নকৰে আৰু অনুসৰণো নকৰে , মাত্ৰ জীয়াই থাকিবলৈ সংগ্ৰাম কৰে ৷ অৱশ্যে এই শ্ৰণীটোৱে পৰিস্থিতি অনুযায়ী অনুসৰণো কৰিব পাৰে ৷ নেতৃত্বপ্ৰদানকাৰী শ্ৰেণী হিচাপে জীৱন যাপন কৰাটো গৌৰৱৰ কথা , সেইবাবে এইটোও নহয় যে অনুসৰণকাৰী শ্ৰেণী হৈ থকাটো লাজৰ কথা ৷ এয়া ভৱাটো অনৰ্থক মাথোঁ, কিয়নো এজন ভাল অনুসৰণকাৰীয়ে এজন উৎকৃষ্ট নেতৃত্ব প্ৰদানকাৰী হ’ব পাৰে ৷ সাধাৰণতে এজন বুদ্ধিমান মানুহে প্ৰথমে অনুসৰণ কৰে , তাৰ পৰা ভাল বেয়া বিশ্লেষণ কৰি চায় , তাৰ পিছতহে ভাল গুণবোৰ গ্ৰহণ কৰে আৰু এটা সময়ত উৎকৃষ্ট নেতৃত্ব প্ৰদানকাৰী হৈ উঠে ৷ অনুসৰণ নকৰা কোনো মানুহ উৎকৃষ্ট নেতৃত্ব প্ৰদানকাৰী হ’ব নোৱাৰে ৷ এয়াও সত্য যে সকলো অনুসৰণকাৰীয়ে নেতৃত্বপ্ৰদানকাৰী শ্ৰেণীৰ সমকক্ষ হ’ব নোৱাৰে ৷ নেতৃত্ব প্ৰদান কৰিবলৈ সেই
Read more

প্ৰেম(love)

-
Image
প্ৰেম(love) ----নাম শুনিলেই অন্তঃকৰণত মিঠা অনুৰণন সৃষ্টি হয়।প্ৰেমৰ বাবেই চলি আছে বিশ্ব,প্ৰেমৰ বাবেই ফুলবোৰে সৌৰভ বিয়পাইছে চৌদিশে ৷ প্ৰেম হৃদয়ৰ গোপন কোঠাৰ পৰা নিৰ্গত হোৱা সুমধুৰ সংগীত ৷ পৃথিৱীৰ সৰ্বশ্ৰেষ্ঠ সংগীত তৰঙ্গ ৷প্ৰেমক কোনো ভাষা বা কোনো ভাষাৰে প্ৰকাশ কৰা সম্ভৱ নহয়।মৌনতাইহে কব পাৰে হৃদয়ৰ কথা।দুচকুৰ নীলাভ চাৱনীয়ে প্ৰেমৰ গভীৰতা প্ৰকাশ কৰে।চকু সুনিপুন শিল্পী, চকুৰ হৃদয়ৰ ভিতৰলৈ মসৃণ বাট কাটি দিয়ে। হৃদয়ৰ মনিকোঠাৰ দুৱাৰখন খুলি দিয়ে।দুচকুয়েই অভিবাদন জনাই হাত ধৰি লৈ যায় হৃদয়ৰ গভীৰলৈ। প্ৰেম আত্মাৰ আজন্ম সহযাত্ৰী।প্ৰেম সকলোৰে জীৱনলৈ আহে ৷কিন্তু প্ৰেম নে ভাললগা তাক প্ৰায় মানুহে পাৰ্থক্য কৰিব নোৱাৰে।প্ৰেমত সকলোৱে পৰে।কেতিয়াবা প্ৰেমে পূৰ্ণতা পায় কেতিয়াবা অপূৰ্ণ হৈ ৰ(বহুতেই ভাবে ) ৷যিহতু ভাবে বা কয় প্ৰেম ব্যাৰ্থ হ'ল,প্ৰকৃততে সিহঁতে প্ৰেমত পৰা নাছিল।সৌন্ধৰ্য চাই ভাল লাগিছিল বাবে ভাল পাইছিল।ভাল পাইছিল বাবে ভাল লগা নাই।প্ৰেম ধুনীয়া বা সৌন্ধৰ্য চাই নহয়, চকুত চকু পৰিহে প্ৰেম হয়।প্ৰেম বাট চকুৰে হৃদয়লৈ।হৃদয়ৰ নিভৃত কোনত জগাই তোলে এক শিহৰণ। প্ৰেম চিৰকালেই পূৰ্ণ , সয়ং সম্পূৰ্ণ ।প্ৰেমৰ অনুভৱেই ন
Read more