উচ্ছেদ

 উচ্ছেদ 

মুক্ত আকাশের নীচে খালি পায়ে হাইটা হাইটা

শরীরের ঘাম মাটিত ফালায়া 

জীৱনভৰ একটেকা দুইটেকা কইৰা জমায়া

মাটি কিনা সপ্নের একটা ঘর করি

মুহূর্তের মধ্যেই আপন হাতে গঢ়া ঘর

বুলডোজার দিয়া ভাইঙ্গা দেয়

ঠিকানা থাইকাও আমরা ঠিকানাবিহীন হৈ

বছর বছর আমৰা মাটির খাজনা দেই

সেই মাটির দলিল , মাটির খাজনা রসিদ 

কিছু কাম দেয় না , 

কাগজের টুকরা হৈয়া চানাচূৰৱালাৰ হাতে যায় 

তাৰ মধ্যে মানুসে চানাচূৰ খায়া 

হাত মুইচা ফালায়া দেয়

আমৰা বুকে থাপৰায়া , কপাল আচৰায়া 

ভাগ্যেৰ লেখন বিলা মাইনা নেই ।

আঙ্গরে দেশ আছে 

দেশের নাগৰিক অধিকার নাই

আবাৰ ভোটের সময় আমৰা দেশেৰ নাগৰিক হৈ

ভোটেৰ সময়  আঙ্গরে দাম ওঠে

নেতারা আইসে আঙ্গরে ভোট চাইবার 

ভোট গেলে আঙ্গরে ফুটবল বানায় 

কেঁউ একমুরা থিকা লাথ মারে 

কেঁউ আরাক মুরা থিকা লাথ মারে ।

বানপানীয়ে আঙ্গরে চোখের পানী ধুয়া 

বোবা বানায়া থুয়া যায়

আর ঠাণ্ডা আঙ্গরে হাড্ডির ভিতরে ঢুকে 

স্বেতবর্ণ বক্তের সাথে মিচিল পাতে

আঙ্গরে পেটে খিদায় ধর্মসভা পাতে

মাইকে চিল্লায়া চিল্লায়া ভাষণ দেয় 

খিদাৰ ধৰ্মসভা শোনাৰ মতো কেও থাকেনা

অভিভাৱকবিহীন লাশেৰ মতো 

আঙ্গোৰে জীৱনগোনা ফুটপাথে 

নদীৰ কিনাৰে পইৰা থাকে ।